Брест со гол во 94. минута го шокира Монако

05 април 2025 - 21:02

Монако доживеа непријатен пораз на гостувањето кај Брест со 1-2 во 28. коло во Лига 1 и пропушти шанса да им избега на конкурентите во трката за местата кои водат во Лига на шампиони (ЛШ).

Брест поведе со автоголот на Кох во 42. минута од средбата, додека Монако се врати во игра за победа со погодокот на Закарија од пенал во 63. минута.

Големата борба продолжи и во завршните 30 минути од средбата, при што „кнезовите“ беа поконкретни во нападот и имаа одлични шанси, но Брест со гол на Камара во 94. минута ги освои бодовите.

Монако остана на втората позиција со 50 бодови, додека Брест е на осмата позиција со 43 поени.