И Градоначалникот на Виница распали по ФФМ: Поради вас, спонзорите се откажуваат!
Тешко дека некој може да го сфати системот што УО на ФФМ денеска го изгласа, а веќе подолг период го крчкаше, па ако Беласица и Пелистер се израдуваа на пласман во елитата, а пола прволигаши ги „купија“ со неиспаѓање од Првата лига, жестоко и бурно е во пониските лиги. Оттаму, Димитров сега посочува дека ФФМ со ваквите одлуки ги брка спонзорите од фудбалот.
„Ќе го искажам моето лично незадоволство за одлуката што денес е донесена од УО на ФФМ.
Очигледо е дека ФФМ има двоен аршин кон клубовите од Третата Фудбалска Лига наспроти останатите две т.е. Првата и Втората Македонска Фудбалска Лига. Морам да го истакнам фактот што на одредени клубови во првата и втората фудбалска лига им се прогледува низ прсти се со цел да останат во своите натпреварувања на сметка на третолигашите. Како е можно двете прво пласирани екипи од вторите фудбалски лиги без доигрувања директно да влезат во Првата МФЛ а првопласираните од Третата МФЛ да играат бараж. Срамно и жално е ФФМ да се претставува дека се бори вистинските љубители на фудбалот да се вратат на трибините а работи токму на спротивното. Само да ве информирам дека и клубовите од третите фудбалски лиги имаат потрошено доста финансиски сретста а притоа и на нивните натпревари имало публика повеќе од 1500 љубители на фудбалот што е многу повеќе од многу праволигаши.
ФК Слога 1934 есенскиот дел го заврши без примен гол со скор од 36:0 (голови) и притоа сите 10 натпревари кои ги играше ги победи во Третата МФЛ - Југ и сега токму поради оваа срамна одлука на УО со играње бараж да зависи од еден натпревар целата сезона.
Токму поради ваквите одлуки спонзорите и вистинските љубители на фудбалот креваа раце“, објави Димитров.
Ќе го искажам моето лично незадоволство за одлуката што денес е донесена од УО на ФФМ. Очигледо е дека ФФМ има двоен...
Posted by Ивица Димитров - Градоначалник на Општина Виница on Friday, May 29, 2020