Трајковски дебитираше за сплитските „били“, Локомотива падна на „Пољуд“ (ВИДЕО)

23 септември 2023 - 21:21

Хајдук им се врати на победите во хрватското првенство, откако вечерва на домашен терен триумфираше со 1-0 против Локомотива Загреб, а свое деби имаше и македонскиот напаѓач Александар Трајковски.

Кровиновиќ погоди во 47. минута, но неговиот гол беше поништен, меѓутоа неговиот колега Сахити со прекрасен удар во 76. минута го матира голманот на гостите за триумф од 1-0.

Трајковски влезе во игра во 58. минута од натпреварот и остана на терен до последниот судиски свиреж.

Екипата од Сплит е прва на табелата со 18 бодови, по што следи Горица со 15, а третата позиција ја делат Риека и Динамо со по 13 бода.