Несторовски потпиша нов договор со Славен Белупо

Несторовски на почетокот на оваа сезона потпиша за Славен Белупо, откако претходно играше во Италија, а по доаѓањето во Хрватска постигна три голови и една асистенција на осум настапи.

Раководството на Славен Белупо е задоволно со македонскиот напаѓач, па затоа реши да му ја продолжи соработката за уште година ипол.

„Во клубот владее одлична атмосфера и кога управата ми понуди нов договор, не размислував ниту минута. Не погледнав ниту што пишува во него, туку веднаш го потпишав и среќен сум што ќе останам во клубот барем уште година ипол“, кажа Несторовски.

Несторовски во кариерата играше за Удинезе, Палермо, Асколи, Интер Запрешиќ, Словачко, Металург, Викторија Жижков и Победа.