Феникс не се шегува - го победи и ТФТ

Тимот од Гази Баба се наоѓаше на десеттото место на табелата пред ова коло, но успеа да го оствари четвртиот триумф во последните пет натпревари. За ТФТ тоа беше трет пораз во сезоната, а втор на домашен терен по оној од Чаир.

Домаќините вечерва имаа предност од 12 поени разлика кои го достигна кон средината на втората четвртина. Феникс не се откажа во ниеден момент, а до победата дојде поради подоброто второ полувреме кое го дови со 38-29. Кошот за триумф го постигна Адетукаси на 22 секунди пред крајот, ТФТ имаше речиси цел напад за да организира акција за израмнување за победа, Зафиров се обиде за тројка, но беше непрецизен.

Адетукаси со 18 поени беше најефикасен кај Феникс, Митревски додаде 17, а Марфи 15. Говенс го предводеше ТФТ со 22 поена.