Чешмеџиев промовиран во Мостар: Од татко ми и дедо ми знам колку голем клуб е Вележ! (ВИДЕО)

07 јули 2020 - 13:04

Поранешниот македонски младински репрезентативец Константин Чешмеџиев и официјално денеска беше промовиран за ново засилување на мостарски Вележ, култен тим од поранешната југословенска лига, двоен освојувач на Купот на СФРЈ и клуб од кој излегле многу големи фудбалски имиња.

Чешмеџиев го наследува Коста Манев, откако бившиот вардарец не се договори за нова соработка со мостарскиот клуб, а бившиот младински репрезентативец доаѓа како слободен играч откако се раздели по две години со Шкендија. Чешмеџиев е бивш фудбалер на Работнички, Македонија ЃП, Пелистер и Академија Пандев.

„Од татко ми и од дедо ми знам дека Вележ е голем блуб, бил сериозен клуб во бивша Југославија, клуб со голема традиција, со многу добри навивачи“, рече Чешмеџиев на промоцијата, посочувајќи дека целта е да се излезе во Европа во новата сезона.