Ништо од договорот: Надал се премисли - нема да го тренира Зверев!

23 јули 2025 - 19:08

Неодамна беше објавено дека третиот тенисер во светот, Александер Зверев наскоро ќе добие нов тренер, односно ќе почне соработка со Тони Надал, меѓутоа германски „Билд“ објави дека такво нешто нема да се оствари.

„Билд“ пишува дека Шпанецот се премислил и не сака да соработува со Германецот, а како причина ги навел неговите активности во академијата на Мајорка.

Зверев следната недела ќе настапи на мастерсот во Торонто, каде што ќе биде прв носител и ќе има голема шанса да стигне до посакувана титула, но и нови бодови на АТП-листата.