![](https://sport1.mk/files/styles/article/public/article/2023/12/07/201365-teniserot-ivanovski-zabiva-podobro-od-polovina-od-kosharkarite-od-prvata-liga-video.jpg?itok=Zb4GdyUL)
Ивановски со огромен скок на АТП-листата – првпат е меѓу најдобрите 400 на светот!
За 19-годишниот предводник на „белиот спорт“ кај нас ова е првпат во кариерата да е меѓу најдобрите 400 тенисери, што е одличен показател дека неговата кариера оди во нагорна линија. Тој со победата на терените на ТК „Југ“ доби нови 24 ранкинг бодови, а кои ќе додаде уште три од настапот минатата недела поради што следниот понеделник повторно ќе има најдобар пласман на АТП-листата и тоа за три места погоре од денеска. Голем напредок има и Горазд Србљак, кој скокна за 51 место со што дојде до 1.157 позиција во светот, односно му се приближи на Обрад Марковски кој сега е само три места подобро пласиран од репрезентативниот колега.
На врвот на листата останува Новак Ѓоковиќ, кој лидерската позиција, сепак, може да ја загуби за седум дена и тоа само ако Карлос Алкараз неделава триумфира на турнирот во Лондон, кој се игра на трева.