Ѓорческа победи со пресврт и се пласираше на турнирот во Унгарија

10 март 2025 - 15:35

Maкедонската најдобра тенисерка со две победи во квалификациите успеа да се избори за пласман на ИТФ W75 турнирот во Унгарија. Ѓорческа денеска по меч кој траеше два часа и 11 минути беше подобра од романската претставничка Андреа Прискариу со 2-1 во сетови.

Првиот сет и припадна на Романката со 6-3, но во вториот Ѓорческа заигра многу подобро и отвори со 5-0 и со 6-1 да го освои сетот за израмнување. Третиот сет донесе изедначена борба, па победничката се решаваше во тај-брејк.

Таму македонската претставничка беше подобра со 7-3 за конечни 2-1 во сетови. 

Втората македонска тенисерка, Магдалена Стоилковска денеска го предаде мечот од второто квалификаицско коло на ИТФ W15 турнирот во Шарм Ел Шеик.