Ѓоковиќ преку Инстаграм му честиташе на Опелка: Апсолутно заслужено (ФОТО)

03 јануари 2025 - 15:44

Новак Ѓоковиќ доживеа сензационален пораз на стартот од новата сезона и делумно го расипа расположението пред настапот на Австралија Опен каде ќе ја брка 11. титула.

Подобар од него беше американскиот тенисер Рајли Опелка кој славеше со 2-0 за својата најголема победа во кариерата. За својот настап, по мечот доби пофалби и од Ѓоковиќ кој му честиташе преку Инстаграм.

„Неверојатен тенис, Рајли. Апсолутно заслужено. Среќно“, напиша седмиот светски рекет.

Ѓоковиќ има десетина дена да се подготви за стартот на Австралија Опен каде ќе има тешка задача бидејќи може веќе во четвртфиналето да се сретне со Јаник Синер или Карлос Алкараз.