Јувентус му нуди размена на ПСЖ - Влаховиќ за Коло Муани

Во главна улога се Душан Влаховиќ и Рандал Коло Муани кои би требало да ги сменат клубовите, на задоволство на стручните штабови на двата клуба. ПСЖ одамна сака да се ослободи од Коло Муани за кого плати 90 милиони евра во текот на летото и на францускиот репрезентативец му е соопштено дека е слободен да ја смени средината во јануарскиот преоден рок. Во Јувентус не се задоволни од ефектот на Влаховиќ, а Тијаго Мота нема против да го види Коло Муани во својот напад.

Ако ПСЖ не се согласи, Јувентус ја разгледува можноста да го продаде Влаховиќ, а потоа да го откупи договорот на Коло Муани, се разбира, за помала сума.