ПСЖ планира да одвои неверојатна сума за новата ѕвезда на Челси!

05 јануари 2025 - 16:37

Откако замина Килијан Мбапе, ПСЖ е во потрага по нова ѕвезда која ќе прави разлика, но и ќе биде маркетиншки атрактивна.

Изборот паднал на Кол Палмер кој откако дојде во Челси брзо се промовираше во клучен фудбалер на сините, во моментов има најголема вредност во лондонскиот тим.

Наводно ПСЖ е подготвен да понуди 200 милиони евра за да го купи Палмер од Челси. Тоа би бил втор најголем трансфер во Европа, првиот е тој на Нејмар за кој францускиот клуб плати 222 милиони евра во 2017 година.

Палмер не само што е врвен фудбалер, туку неговата посебна прослава на головите стана вирална, па многумина фудбалери почнаа да го копираат.

Прогнозите се дека и покрај големата понуда на ПСЖ, Челси нема да го продаде Палмер, но во фудбалот никогаш не се знае.