Ѓоковиќ има големо срце: Ноле учеше деца како се игра тенис (ВИДЕО)

18 октомври 2020 - 13:39

Најдобриот тенисер во светот, Новак Ѓоковиќ повторно покажа дека има големо срце. На социјалните мрежи беше објавена снимка на која може да се забележи како Србинот го шета своето куче, а потоа забележа деца со тениски рекет во раце, па реши да им одржи краток час по тенис.

Српскиот тенисер им објаснуваше на децата како се изведуваат основните удари во тенисот, а тоа предизвика воодушевување кај фановите, иако имаше и такви кои го критикуваа поради друга тема, односно затоа што не носел маска за заштита од ковид-19.