Кикбокс спектаклот во Скопје почна со убедлива победа на Марија Димовска

26 април 2024 - 20:52

Вечерва во „Јане Сандански“ се одржува кикбокс спектакл на кој главен настан ќе биде дуелот за светската титула на ВАКО Про К1 меѓу Боба Илиоски и Берк Дузенли од Турција.

Во пресрет на овој меч има уште седум борби, а првата од нив беше меѓу нашата натпреварувачка Марија Димовска и Марија ­Обрадовиќ од Србија, во категоријата до 62 килограми лоу кик постари јуниори. Победи Димовска на поени, со 3-0 иако во текот на борбата ја испрати противничката во нокдаун.

Од македонските натпреварувачи, пред главната борба, во рингот ќе се појават уште Силвио Мировски, Викторија Варадинова, Узеир Нелсон, Максим Митровски и Димитар Ѓоргиев.