Страшен пад на најдобрата светска скијачка! (ВИДЕО)

Федерика Брињоне доживеа повеќекратни скршеници на левата нога по падот во белеслаломот кој го возеше за првенството на Италија.

Брињоне ја изгуби контролата на стазата Вал ди Фаси и падна, по што интервенираа медицинските служби и со хеликоптер беше пренесена во најблиската болница во Трент.

Веднаш се огласија од Италијанската скијачка федерација од каде што објавија дека Брињоне доживеала сложени скршеници на тибијата и главната фибула на левата нога и веднаш откако ќе биде во можност ќе биде префрлена во Милано на дополнителни прегледи и каде ќе биде донесена одлука за операција.

Италијанските медиуми пишуваат дека ова значи дека Брињоне нема да може да скија се до неколку месеци пред Олимписките игри на кои Италија е домаќин наредната година во Кортина.