УГД Штип го заврши настапот во Челинџ купот

06 јануари 2026 - 21:46

Вицешампионот на Македонија, УГД Штип денеска доживеа елиминација од Челинџ купот откако и во вториот меч против италијанскиот Милано претрпе пораз со 0-3.

И покрај тоа што Милано славеше без загубен сет во двомечот, штипјани скапо ја продадоа својата кожа. Во трите сета освоија вкупно 54 поени (18-25, 19-25, 17-25), а во секој од нив долго време беа конкурентни.

Махди Задмард со 13 поени беше најефикасен играч на натпреварот, Илиев реализира шест, а Алексов пет поени. Во осминафиналето, Милано ќе се сретне со Црвена Звезда која беше подобра од Младост од Хрватска.