Стоилов нема да патува во Данска за реваншот, в недела

12 март 2021 - 14:50

Македонија ќе биде ослабена за неделниот реванш со Данска, во Алборг. Во составот нема да биде првиот пивот, вардарецот Стојанче Стоилов.

Од таборот на репрезнтацијата кратко информираа дека Стоилов се жали на повреда, поради која нема да може да игра на реваншот. Тоа значи дека нема да патува и дека Лазаров ќе треба да најде нов играч за да ја пополни 16-ката која ќе игра в недела.

Во составот веќе ги имаме Жарко Пешевски, кој имаше одличен напаѓачки удел во победата, синоќа, како и Никола Маркоски, кој делуваше во одбраната. Како опција за Лазаров е Михаил Аларов, ако инсистира да остане со три пикери како опции, а ако не, шанса чекаат Крстевски, Серафимов...

Стоилов исто така беше клучен во вчерашната победа над Данска со четири гола од четири обиди.