Бразил беше лесен залак: Данска се пласира во полуфинале на СП

29 јануари 2025 - 19:03

Данската ракометна репрезентација се пласира во полуфинале на Светското првенство (СП), откако вечерва го прегази Бразил со убедливи 33-21.

Ракометарите на Данска уште на стартот создадоа предност од 10-3, но потоа Бразил успеа да намали на само три гола негатива (12-15).

Во вториот дел следеше голема криза кај Бразилците, кои долго време не можеа да постигнат гол, а тоа го казни Данска која создаде недостижна предност и славеше со 33-21.

Најефикасни во победничкиот тим беа Гудсек, Јакобсен и Шмит со по шест голови, додека Карваљо постигн седум погодоци за Бразил.

Данска во полуфинале ќе се соочи против победникот од дуелот меѓу Германија и Португалија.