Прибак: Металург има иднина

„Ова беше меч на два противника кои играат на исто ниво. Ние сме малку поискусни, но Металург е екипа што трча повеќе. Добро го отворивме мечот, имавме расположен голман и ги казнивме грешките на Металург. Можеби не беше интересен меч со интересен крај, но среќен сум и благодарен на сите. Исто и благодарност до публиката. На Металург му посакувам среќа, мислам дека имаат добра иднина“, рече Прибак.

Тренерот на турскиот клуб Мевлут Арин посочи дека расположениот голман на Бешикташ го демотивирал противникот и тука Турците го скршиле нашиот тим.

„Игравме против млад и динамичен тим. Играа брз ракомет, а нашиот најголем проблем беше што правевме грешки во одбраната. Но, потоа почнавме да играме дисциплинирано, игравме добро, постигнавме голови од контра. Тука беше и голманот кој добро се покажа. Во еден момент и го демотивиравме противникот. Ова беше добар натпревар, како и да е, честитки за Металург“, посочи Арин.