Памтите ли кои седум играчи на Вардар, кои се сега во Келн, беа шампиони во 2017?
Само ЕДЕН ракометар досега откако постои Ф4-турнирот во Келн успеал да ја одбрани титулата и тој игра во Вардар.Станува збор за Иван Чупиќ, кој во 2016 година го крена пехарот со Кјелце по драматично финале против Веспрем, а една година подоцна, самиот го постигна голот за победа на Вардар против ПСЖ за нов пехар.
Вардар е само ВТОРИОТ тим во четири години, кој дојде на Ф4-турнирот во Келн како дебитант и го освои. Првиот беше Фленсбург во 2014 година. Потоа истото му успеа и на Монпелје, минатата година, но за разлика од Фленсбург и Вардар тоа не беше нивна прва европска титула.
ТРИ учества едноподруго на Ф4-турнирот во Келн е актуелниот рекорд, кој Вардар го достигна годинава. Третпат едноподруго ќе се обиде да ја освои титулата, слично како досега ПСЖ (2015-2017) и Барселона (2013-2015). Овде може да се брои и Сиудад Реал/Атлетико Мадрид, кој учествуваше три години по ред, но со променето име на клубот.
СЕДУМ играчи од победничкото финале во 2017 година повторно се во Келн и оваа година во екипата на Вардар: Стојанче Стоилов, Владо Недановски, Тимур Дибиров, Игор Карачиќ, Иван Чупиќ, Рожерио Мораес и Данил Шишкарев.
Со 80 гола досега, Дајнис Криштопанс е на делба на седмото место на листата на стрелци во ЛШ, меѓутоа е само втор во конкуренција на играчите кои играат во Келн. Прв е Алекс Душебаев со 88.