Исланд покажа заби, но Данска е пресилна и се пласира во финале!

Исланд водеше во голем дел од првото полувреме, но на одморот Данска замина со предност од 14-13.

Исланѓаните одлично го почнаа и вториот дел, неколкупати имаа предност, но кога требаше да се решава мечот Данска го крена нивото и ги презема работите во свои раце. Домаќините ја вратија предноста, неколкупати водеа и со четири разлика и во мирна завршница ја заверија победата од 31-28.

Гидсел со седум голови беше најефикасен во селекцијата на Данска, Смарасон даде девет погодоци за Исланд.

Во финалето Данска ќе игра против Германија која со идентични 31-28 беше подобра од Хрватска.