Вардар му даде 41 гол на Слован и ќе игра финале на Лабин купот!

30 јануари 2026 - 21:57

Вардар со убедливи 41-30 го победи словенечкиот клуб Слован од Љубљана и се избори за пласман во финалето на Лабин купот 2026.

Како дел од подготовките за продолжението од сезоната, ракометарите на Вардар играат на Лабин купот.

Денеска црвено-црните го прегазија Слован совладувајќи го со 41-30.

Дури тројца ракометари дадоа по пет голови, Тузолана, Лазаревски и Горига.

Во финалето Вардар ќе игра против Загреб, мечот на програмата е од 20:15 часот.