Гостивар ја прекина серијата порази, победа против најслабиот!

30 јануари 2026 - 21:41

Кошаркарите на Гостивар дојдоа до важна победа во борбата за опстанок откако го совладаа тимот на Ангели со убедливи 94-65.

Гостиварци во овој меч влегоа во лоша форма, по серија порази, но денеска тоа се промени.

Уште во првата четвртина беше јасно кој ќе биде победникот на овој меч, домашниот тим по првите десет минути водеше со 24-13. Ангели доживеа дебакл во третиот период во кој постигнаа само шест поени.

Најдобар на теренот беше кошаркарот на Гостивар, Тодоровски со 22 поени и 11 скокови. Кај Ангелов расположен беше Стефанов со 17 поени.