Червар: Колективна игра е клучот за успех против Бешикташ
Овие два порази му дале појасна слика на тренерот Лино Червар за она што треба тимот да го поправи во иднина и се надева дека токму против турскиот тим недостатоците ќе бидат отстранети. Тој верува дека тимската игра во одбрана е клуот на успехот.
„По двата порази по ред видовме многу работи кои треба да ги поправиме. Ова е важен меч за нас, играме прво со Бешикташ, а потоа следи дуел со Спортинг. Не чекаат тешки наптревари, мора да бидеме пофокусирани. Монпелје ни даде слика каде сме во дефицит и што треба да поправиме. Мора да играме подобра одбрана и колективна игра. Бешикташ има истакнати играчи, од пивот до бекови, тука е и Немања Прибак, како и Крстанчиќ. Ако ги исправиме недостатоците кои ги видов, со помош на публиката и добрата атмосфера, може да се надеваме на победа. В недела очекувам добра партија и да стартуваме на домашен терен со победа во Лигата на шампионите“, вели Червар.
Металург вчера против Војводина не одигра на нивото од претходните натпревари, па Хрватот предупредува дека ваквите грешки и нереалзирани зицери во Лигата на шампиони се недозволиви.
„Како млада екипа мора да знаеме дека во ЛШ и во посериозните мечеви, ако не се искористат зицерите и пеналите, тогаш е многу тешко било кого да победите. Мора да имаме самодоверба и агресивна одбрана, ако сакаме повеќе. Немавме константна одбрана и континуитет во играта. Менуваме одбрана, играме 5-1, па 6-0, некогаш и длабока 5-1. Менуваме ритам, тоа е добро, но мора да фатиме еден континуитет. Што се однесува до нападот, ни недостасува тимската и колективната игра. Металург мора да ужива во тимски дух и секој секому да помага како пријател. Затоа што, само пријателите помагаат кога е тешко еден на друг. Има простор и за поправка во транзицијата. Нашите додавања мора да бидаат брзи и долги, за да освоиме противнички простор. Како млада екипа имаме доста можности за напредок, но се се врти околу две работи - квалитетната одбрана, која може да ни донесе брзи голови. Немаме време за плачење, мора да играме. Оваа екипа може и да направи чекор напред оваа сезона, без разлика на резултатите“, заврши тренерот на Металург.