Вардар рутински се пласира на завршниот турнир од Купот на Македонија!

24 март 2024 - 18:52

Ракометарите на Вардар очекувано се најдоа меѓу четирите екипи кои ќе се борат за трофејот во Купот на Македонија, откако вечерва лесно и убедливо го совладаа Голден Арт (32-23) во финалето на четврт-финалната група што се играше во „Јане Сандански“.

Тоа беше само рутинска задача за црвено-белите, кои уште во првото полувреме дојдоа до предност која им осигура мирен финиш (17-9). Најефикасен во победничкиот состав беше Стефан Петриќ со девет голови, уште осум додаде Родригез Хансер, додека во тимот на Голден Арт најдобри беа Шилегов и Јанковски со по пет погодоци.

Синоќа пласман на завршниот турнир обезбедија Еурофарм Пелистер и Тиквеш, а последниот патник ќе го даде вечерашниот дуел меѓу Алкалоид и Бутел. Трофејот во ова натпреварување го брани токму Вардар.