Вардар најде лек за октоподот Галевски и оди во финалето од Купот! (ФОТО)

Почетните минути му припаднаа на тимот од Автокоманда кој поведе со 1-4, нo потоа следуваа неколку одбрани на голманите и на двете страни, а Вардар со два гола успеа да дојде до 3-4. Алкалоид на истекот од дессеттата минута одново поведе со два гола разлика (3-5).

Во минутите кои следуваат Алкалоид одново беше подобриот тим на теренот, додека на Вардар не му помогна премногу и исклучувањето на Никола Маркоски во 14-тата минута кое беше прво на средбата. По водството на „сино-белите“ од 4-8 во на половина од првиот дел тренерот Милано го побара и првиот тајм-аут на средбата.

Вардар го искористи следниот напад и намали на три разлика за тогаш правото на на тајм-аут да го искористи и Кире Лазаров на спротивната страна.

Од советите на двајцата стратези повеќе корист имаа ракометарите на Вардар кои ја намалија негативата и во последните десет минути од првиот дел дојдоа до „минус еден“ (8-9). Беше Вардар неколку пати блиску до израмнување, меѓутоа до крајот на првиот дел Алкалоид ја одржуваше предноста од еден или два гола разлика, па так на одмор избраниците на Лазаров имаа водство од 13-14.

Вардар стигна до изамнување на стартот од вториот дел кога на семафорот стоеше 15-15, но Алкалоид не дозволи „црвено-црните“ да имаат напад и за водство, па во следниот напад ја врати предноста поведувајќи со 15-16. Следуваа минути во кои или се играше гол за гол или двете екипи ги промашуваа своите напади, па во завршните 20 минути Алкалоид и понатаму ја чуваше предноста од еден гол (19-20).

Неизвесноста и тесниот резултат продолжи и во наредните минути, а Вардар и покрај одличниот Галевски сепак успеа да дојде и до водство од 25-24 во 50-тата минута.

Поведе Вардар на пет минути пред крајот за првпат на средбата и со два разлика (25-27), меѓутоа Алкалоид не се откажа и со серија од три гола повторно го врати водството кое го имаше во најголемиот дел од средбата (27-28).

Последните две минути од средбата донесоа вистинска драма. Прво Галевски одбрани удар на Борозан, а Алкалоид не искористи напад за плус два за потоа Срдановиќ да израмни. За последниот напад на натпреварот Алкалоид имаше десет секунди кои не се покажаа како доволни за реализација, па одлучуваа пеналите каде што Вардар беше подобар.

За Вардар во пенал рулетот не погоди само Пинто, додека кај Алкалоид не реализираа Георгиевски и Митев.