Дебакл на македонските одбојкарки против Швајцарија, во два сета не дојдовме ни до десет поени!

01 јуни 2025 - 21:12

По сигурната победа над Луксембург во првото коло од Сребрената европска одбојкарска лига, Македонија денеска доживеа тежок пораз од Швајцарија со максимални 3-0 (25-7, 25-16, 25-6) во сетови.

Македонските одбојкарки беа многу далеку од нивото на противничките кои не само што победија, туку тоа го направија и преубедливо.

Во првиот сет Македонија освои само седум поени. Покажавме мускули во вториот сет во кој освоивме 16 поени, а во третиот последен сет реализиравме само шест поени.

Стојовска беше најефикасна во нашата селекција со седум поени. 

Нареден предизвик на Македонија во Сребрената европска лига е вториот турнир кој ќе го играме во Фарските острови, таму покрај домаќинот, противник ќе ни биде и Австрија.