Најдобриот ирански голман ќе ја чува мрежата на Пелистер

23 јули 2025 - 17:30

Македонскиот ракометен шампион Пелистер денеска го потврди најновото засилување за следната сезона, а тоа е одличниот ирански голман Саид Хеидарирад.

Иранскиот чувар на мрежата доаѓа во Битола и наскоро ќе се приклучи на подготовките за сезоната 2025/26, а се очекува да биде големо засилување за Пелистер.

Хеидарирад има 34 години, а во Битола доаѓа од редовите на Партизан, каде што му помогна на тимот од Белград да ја освои шампионската титула во Србија.

Иранецот пред да се пресели во Партизан бранеше и за Динамо Букурешт дури седум години, а исто така го носи и дресот на репрезентацијата.

Пелистер потврди дека иранскиот голман потпишал договор на две години и ќе биде промовиран до крајот на јули.