Гостинските екипи на Купот на Македонија ќе имаат поддршка од по 150 навивачи

31 мај 2025 - 11:19

Организаторот на завршниот турнир од Купот на Македонија, во соработка со МВР одобри по 150 навивачи за гостинските екипи кои ќе учествуваат.

Тие ќе бидат сместени на различни трибини, со цел да нема нереди меѓу нив во текот на натпреварите. Со оглед на тоа што салата „Билјанини извори“ во Охрид собира околу 3.000 гледачи, навивачите на екипите на секој натпревар ќе пополнат 10% од капацитетот.

Најголемата поддршка, секако, ќе ја има домаќинот Охрид кој викендов ќе се обиде да го освои првиот трофеј во клупската историја. Првиот полуфинален натпревар, меѓу Алкалоид и Вардар се игра денеска од 17 часот, а вториот е од 19:30 и во него се среќаваат Охрид и Пелистер.