Фемили се врати на сцена: Аеродромци го нацртаа најголемиот графит во Европа (ФОТО+ВИДЕО)

20 јули 2017 - 23:07

Навивачката група на МЗТ Скопје, „Фемили Аеродром“ вечерва ја „запали“ скопската населба Аеродром со факели откако го нацрта најголемиот графит во Европа

Ремек делото се наоѓа на кејот на реката Вардар од „Вучко“ до зградата на „ПИОМ“. Графитот е долг 351 метар, а широк 2,8 метри и се простира на 1.000 метри квадратни. Графитот е текст од една од најпознатите песни на „Фемили“. 

„Цел живот мој на тебе посветен, чудесен е овој свет цел е плаво бел, кога играш ти трибина лудува, нека дојде кој сака е наша порака“, пишува на графитот.

 

Ваквата активност на „Фемили“ може да значи и враќање на трибините во „Јане Сандански“ во новата сезона, нешто за што се зборува веќе подолго време.