Ако не можеш да го сопреш, навлечи му го дресот врз глава! (ВИДЕО)

09 февруари 2018 - 11:45

Барселона со головите на Кутињо и Ракитиќ вчера успеа да ја победи Валенсија на „Месталја“ со 2-0 и така да се пласира во финалето на „кралскиот куп“. На Каталонците ова им е петто финале по ред, а еден интересен детал го одбележа мечот.

Иако не постигна ниту гол, а немаше ниту асистенција, Меси повторно беше спектакуларен и си поигра со противничките играчи, а Кокелан измисли нов начин да го сопре Аргентинецот.

Кога виде дека не може поинаку да му ја одземе топката, Кокелан му го навлече дресот преку глава, а очигледно дури и судијата им се смилува на фудбалерите на Валенсија, па не досуди ниту прекршок.