Пелистер ремизира против Тиквеш и го чека бараж за опстанок во елитата

Кристијан Ацковски го постигна првиот гол за екипата од Кавадарци во 24. минута, а потоа Н’Фанли Сила зголеми на 2-0 за Тиквеш.

Пелистер почна да се буди во второто полувреме, а Мирко Ивановски намали на 1-2 во 73. минута, по што битолчани набрзо постигнаа и втор погодок за 2-2.

Битолчани имаа шанси и за трет гол и пресврт против Тиквеш, но не успеаја да стигнат до победата, што значи дека ќе играат бараж за опстанок во елитата.

На останатите натпревари, Работнички со 7-0 го прегази Шкупи, а Башкими и Македонија ЃП одиграа нерешено (3-3).