Бизарен проблем за Атлетико: Фудбалерите не можеле да се избањаат пред дербито во ЛШ

21 октомври 2025 - 07:18

Фудбалерите на Атлетико Мадрид вечерва ќе гостуваат кај Арсенал во рамките од Лигата на шампионите, а пред овој натпревар се соочиле со необичен проблем.

Имено, по тренингот на еден од најмодерните стадиони во светот гостинските фудбалери не можеле да се избањаат бидејќи во соблекувалните немало топла вода.

Ведаш по тренингот делегација на Атлетико испратила жалба до УЕФА, а фудбалерите се избањале кога пристигнале во хотелот.

Натпреварот помеѓу Арсенал и Атлетико се игра во терминот од 21:00 часот.