Фудбалот повеќе нема да биде ист: Се подготвува правилото на Венгер

21 октомври 2025 - 16:33

Поранешниот тренер на Арсенал, Арсен Венгер кој денеска е шеф за глобалниот развој на фудбалот пред две години претстави револуционерно правило за офсајд кое сега може да стане реалност.

Предлогот на Венгер привремено беше архивиран, но сега повторно е претставен до ИФАБ и изгледа дека сме блиску до големи промени.

„Се подготвува законот на Венгер. Фудбалот никогаш нема повеќе да биде ист“, стои во текстот на шпанскиот „АС“.

Според споменатиот предлог офсајд не би се судел, ако само еден дел од телото на напаѓачот е пред противничкиот одбранбен фудбалер, туку само кога целото тело ќе биде понапред.


Со новата технологија лесно би можело да се одреди кога телото на фудбалерот кој напаѓа е навистина пред одбранбениот фудбалер.

Меѓународниот судија Итуралде Гонзалез во шпанска ТВ емисија потврди дека предлогот е повторно отворен и истиот ќе се анализира на претстојниот годишен состанок, ако помине таму ќе биде испратен на следниот закажан за февруари, а потоа би следел и тест во помалите натпреварување.

Нема дилеми дека ако правилото биде усвоено тоа ќе значи и промени во тактиката за напад и одбрана на одредени тренери.

Фото: FIFA