За Ибра, Меси не е најдобар во историјата – двајца има пред него (ВИДЕО)

16 октомври 2025 - 09:34

Иако е најтрофеен фудбалер во историја, со дури 46 пехари во својата колекција, Лионел Меси во класификацијата на Златан Ибрахимовиќ не е најдобар во историјата.

Тој мораше да се задоволи со третото место, но од друга страна, Кристијано Роналдо не се најде ни во топ-3. Пред Меси, според Ибрахимовиќ, се Диего Марадона и Роналдо Назарио.

@433 Zlatan gives his 𝐓𝐎𝐏 𝟑 players of 𝒂𝒍𝒍 𝒕𝒊𝒎𝒆 🐐 Do you agree❓🤨 @La Gazzetta dello Sport 📰 ♬ original sound - 433

„Според мене, Роналдо, феноменот, Бразилецот... тој беше фудбал. Кога гледате некои фудбалери, веднаш следниот ден се обидувате да ги имитирате“, изјави Ибрахимовиќ во едно телевизиско гостување.

Интересно е тоа што Швеѓанецот во топ-3 не го вклучи ни Пеле, но можеби тоа е и логично бидејќи немал можност да го гледа во живо.