Општа тепачка во Нови Пазар – хаос меѓу полските хулигани и полицијата (ВИДЕО)

24 јули 2025 - 20:49

Натпреварот од второто квалификациско коло во Конференциската лига меѓу Нови Пазар и полската Јагјелонија беше одбележан со сериозни инциденти на трибините, откако домашен навивач втрча во секторот со гостинските фанови.

Инцидентот се случи по водечкиот гол на Јагјелонија, кога еден од поддржувачите на Нови Пазар ја проби заштитната ограда и се упати кон делот каде што беа сместени полските хулигани. Ситуацијата брзо ескалираше, а се и гледа вмешаноста на полицијата која интервенираше за да го смири конфликтот.

И покрај тоа што гостинските навивачи успеаја да ја срушат оградата, поголем инцидент беше спречен благодарение на брзата реакција на безбедносните служби. Натпреварот продолжи, но под зголемено обезбедување и тензична атмосфера.