Ѓоковиќ загуби 500 бодови, но ќе се спаси од пад на АТП-листата

12 јули 2025 - 08:38

Српскиот тенисер Новак Ѓоковиќ загуби во полуфиналето на Вимблдон од Јаник Синер, а тоа значи дека ќе загуби 500 бодови со оглед на тоа дека не се пласира во финале, каде што играше минатата сезона против Карлос Алкараз.

Ѓоковиќ на најновата АТП-листа во понеделник ќе има 500 поени помалку, меѓутоа ќе остане на шестата позиција со 4.130 бодови пред Лоренцо Музети кој има 800 поени помалку.

Без оглед на резултатот во финалето, Синер ќе остане на првото место, но во зависност од неговиот пласман ќе биде познато колку бодови ќе додаде на своја сметка.