Објавен календарот: Првото коло од Премиер лигата носи големо дерби

18 јуни 2025 - 11:35

Англиската Премиер лига денеска го објави распоредот на натпреварите за новата сезона која започнува на 15 август (петок).

Шампионатот ќе биде отворен со натпреварот помеѓу Ливерпул и Бормут во терминот од 21 часот.

Еден ден подоцна силите ќе ги одмерат: Астон Вила – Њукасл, Брајтон – Фулам, Нотингем Форест – Брентфорд, Сандерленд – Вест Хем, Тотнем – Барнли и Вулвс – Манчестер Сити.

Првото коло носи и големо дерби кое е закажано за 17 август (недела) и тоа едни од најголемите англиски ривали, Манчестер јунајтед и Арсенал, а во преостанатите два дуели тој ден ќе се сретнат Челси – Кристал Палас и Лидс – Евертон.

Последното коло со кое ќе се затвори сезоната е закажано за 24 мај.

Фото: EPA