Лудница: Фемили и играчите на МЗТ еуфорично ја почнаа ноќта во која нема да спијат (ФОТО)

02 јуни 2025 - 22:19

Екипата на МЗТ Скопје по 12-ти пат стана шампион на Македонија, откако вечерва ја доби четвртата пресметка од финалната серија со ТФТ (77-53) за вкупни 3-1 во победи, но без разлика на веќе долгата доминација еуфоријата кај навивачите и играчите беше на исто ниво како и по првата титула во 2012 година.

Системот 2-2-1 според кој се игра финалето во последниве години му носи хендикеп на фаворитот, па аеродромци петта година по ред слават на гостински терен, што не им пречеше да направат фешта во СРЦ „Кале“.

Припадниците на „Фемили“ заедно со кошаркарите и тренерите еуфорично ја почнаа ноќта во која речиси сигурно никој од нив нема да спие.