Магдебург го шокираше Веспрем, Германците одат на фајнл-фор!

01 мај 2025 - 21:01

Магдебург со 28-27 го победи Веспрем среде Унгарија и се пласираше меѓу четирите најдобри кои ќе учествуваат на завршниот турнир во ракометната Лига на шампиони.

Натпреварот во Германија заврши нерешено 26-26, па Веспрем беше сериозен фаворит за победа на свој терен, но тоа не се случи.

Финишот од денешниот меч беше неверојатен, Веспрем водеше со 26-22, но десет минути не успеа да даде гол. Магдебург се врати и израмни на 27-27. Тоа беше резултатот кога на семафорот имаше уште 15 секунди. 

Магдебург во последниот напад успеа да даде гол преку Кристијансон и да победи со 28-27.

Клар со седум голови беше најефикасен кај Магдебург, исто толку за Веспрем постигна Фабрегас.

Магдебург им се приклучи на Фуксе Берлин и Нант на завршниот турнир, вечерва ќе биде познат и последниот учесник кој ќе се дознае по крајот на мечот меѓу Барселона и ПИК Сегед.