На Мегваер му се допадна прекарот кој го доби по дриблингот кој ги изненади сите!

02 мај 2025 - 10:24

Манчестер Јунајтед вчера со 3-0 победи на гостувањето кај Атлетик Билбао, Мегваер не даде гол, а немаше ниту кикс, но денеска сите зборуваат за него.

При првиот гол на Манчестер Јунајтед, Хари Мегваер одигра како крилен напаѓач, направи совршен дриблинг и упати центаршут по кој падна голот на Касемиро.

Ваквиот негов потег стана хит на социјалните мрежи, Мегваер го доби и прекарот „Харидињо“.

„Брилијантно!“, одговори дефанзивецот кога еден новинар му посочи дека на социјалните мрежи го нарекле Харидињо.

„Беше забавно да се дрибла по десното крило и да се упати добар центаршут. Имаше многу играчи во шеснаесетникот, очигледно верувале дека ќе испратам добра топка. На крајот Касемиро одлично реагираше со глава и ја затресе мрежата“.