Конечно се случи: Барселона по 199 натпревари - загуби во шпанското првенство!

05 април 2025 - 12:06

Вчера се случи чудо, ракометниот клуб на Барселона загуби натпревар од домашниот шампионат, беа поразени во дербито на Кталонија од Грањолерс со 31-30 и тоа на свој терен.

Барселона во последните десет минути влезе со позитива од +4 гола, а потоа до крајот постигна само уште еден погодок. Колку мечот беше чуден говори фактот што Барса не успеа да даде гол во последните четири ипол минути, а ниту еден тим не постигна погодок повеќе од две минути до крајот на дуелот.

Оваа сезона Барселона не е ни приближно доминантна како последните години, дури ни во Шпанија каде и нема вистински конкуренти не доаѓа лесно до бодовите.

Лигата сигурно ќе ја освојат, но фактот дека загубија првпат по 199 натпревари покажува дека конечно се ранливи и во својата земја. 

Во Лигата на шампионите се меѓу фаворитите за освојување на големиот пехар, а од тоа дали ќе го освојат, може да зависи и судбината на играчкиот кадар.