Македонската репрезентација со Симиќ против Полска

24 февруари 2025 - 11:14

Репрезентацијата на Македонија доживеа една промена во составот за вечерашниот натпревар против Полска, последен од квалификациите за Европското првенство.

Селекторот Александар Јончевски го вклучи тимот Теодор Симиќ кој поради болест не играше во Естонија. Неговата состојба сега е подобрена и вечерва ќе игра како замена за кошаркарот на ТФТ, Страхил Николов кој отпадна од конкуренција.

Со оглед на тоа што натпреварот против Полска нема големо резултатско значење, се очекува 21-годишниот центар да има нешто поголем простор за игра. Најавено е дека во тимот ќе бидат Ти Џеј Шортс и Ненад Димитријевиќ, но ќе имаат лимитирана минутажа.