Уште една трагедија ја погоди Србија: Загина фудбалер по удар од воз

10 мај 2025 - 14:18

По веста за смртта на поранешниот кошаркарски репрезентативец, Драган Лабовиќ, српскиот спорт го потресе уште една трагедија. По удар од воз откако претходно излетал од патот со автомобилот, животот го загубил фудбалерот на Полет Дорчол, Игор Миловановиќ кој имал само 23 години.

Според информациите на српскиот портал „Спортал“, несреќата се случила во раните утрински часови кога Миловановиќ со автомобилот излетал од патот и се превртел. Во возилото поминал три часа, по што на него налетал воз. Обдукцијата треба да утврди точни детали за причините за несреќата и смртта на младиот спортист.

Миловановиќ како што пренесуваат медиумите важел за талентиран фудбалер кој подеднакво добро се снаоѓал и на големиот фудбалски терен и во футсалот. Својата кариера ја започна во младинската школа на Рад, а потоа играше за сениорските тимови на Вршац, Смедерево, Будуќност Крушик, Михајловац и ГСП Полет Дорчол.

Во негова чест, натпреварот од Српската лига на неговиот тим против Раднички од Нов Белград, кој требаше да се игра овој викенд, е откажан.

Фото: FK GSP Polet Dorćol/FB