Малдини јуниор пред трансфер во Аталанта

31 јануари 2025 - 16:26

Синот на Паоло Малдини, Даниел е на чекор од трансфер во Аталанта, во финишот на јануарскиот преоден рок.

Скај Италија пренесува дека Аталанта и Монца веќе постигнале меѓусебен договор и останува само тоа да се пренесе на хартија. Аталанта ќе плати околу 14 милиони евра, но половина од таа сума оди на контотот на Милан кој е матичен клуб на најмладиот Малдини.

Во текот на денешниот ден Даниел треба да ги помине лекарските прегледи по што би можел да биде претставен како нов играч на Аталанта.