Oфицијално: Роналдо во Ал Наср доби соиграч од 77 милиони евра

31 јануари 2025 - 19:22

Како и што се најавуваше, напаѓачот на Астон Вила Џон Дуран ја напушти Премиер лигата и кариерата ја продолжува во редовите на Ал Наср.

Клубот каде што настапува Кристијано Роналдо за неговите услуги на клубот од Бирмингем плати огромни 77 милиони евра.

Дуран беше резервист во Астон Вила, Воткинс добиваше предност, но и во таква ситуација го привлече вниманието на повеќе европски клубови. Сепак, 21-годишникот одлучи да ја напушти Европа и да ја прифати богатата понуда на Саудијците.

Во дресот на Астон Вила Дуран вкупно одигра 55 натпревари и постигна 12 голови .Со дополнителните бонуси и клазули во договорот сумата на трансферот би можела и да се зголеми.