Футсалците немоќни против силната Португалија (ФОТО)

Македонија го отвори резултатот и поведе преку Рамадан по само девет минтуи игра, но нашето водство кратко траеше. Сантош две минути подоцна погоди за израмнување.

Гостите во 16. дојдоа и до целосен пресврт, а Невеш во 18-тата минута се погрижи за 1-3.

Не се промени сликата на теренот ниту во вториот дел, Португалија констатно имаше контрола на случувањата на теренот, па така преку Варела постигна уште два гола за конечни 1-5.

За Македонија ова беше втор пораз во третиот натпревар во квалификациите за Европското првенство во кои имаме и едно реми против Андора. За шест дена ќе играме и втор натпревар против Португалија, но на гостински терен.