Хрватите не жалат пари: Еден ден во Осло чини 900 евра, а интересот е - огромен!

Досега „коцкестите“ играа во загрепската Арена имајќи предвид дека Хрватска е ко-домаќин на шампионатот, заедно со Норвешка и Данска, но финалето в недела ќе се одржи во Осло. На два дена пред најважниот натпревар, голем број навивачи се подготвуваат да отпатуваат во норвешката престолнина и во живо да ѝ дадат поддршка на својата репрезентација.

Најмалку два, а можеби и четири чартер летови ќе има за Осло со тоа што хрватските агенции нудат аранжман од 900 евра, без спиење. Се тргнува в недела наутро, во 8 часот, во цената е вклучен билет за натпреварот, а навивачите ќе тргнат кон Хрватска во вечерните часови.