Рамос не заборавил да игра фудбал – веќе го постигна првиот гол за Монтереј (ВИДЕО)

03 март 2025 - 10:00

Легендарниот шпански дефанзивец, Серхио Рамос, го постигна својот прв гол за Монтереј, придонесувајќи за победата на својот тим во пресметката со Сантос Лагуна (4-2) во меч од елитната лига во Мексико.

Триесет и осумгодишниот Рамос, кој осум месеци беше надвор од фудбалот пред да се пресели во Монтереј, веднаш ја доби капитенската лента во новиот клуб. Голот го постигна во 57-мата минута со удар со глава, носејќи предност од 2-1 за својот тим. Ова беше втор натпревар на Рамос во дресот на Монтереј, а тој одигра целосни 90 минути.

По мечот, шпанската легенда ја изрази својата радост на социјалните мрежи.

„Среќен сум за оваа тешко извојувана победа и за мојот прв гол во овој дрес. Благодарност до навивачите за поддршката“, напиша Рамос.