Вокер откри зошто го напуштил Манчестер сити

28 јануари 2025 - 17:12

Искусниот англиски фудбалер Кајл Вокер се пресели во Милан, откако неочекувано реши да го напушти Манчестер сити, а во разговор со медиумите откри зошто се решил на таква одлука.

Вокер призна дека не бил задоволен со минутажата во премиерлигашот и поради тоа решил дека е време за нов предизвик.

„Во клубот ситуацијата повеќе не беше добра и не играв колку што сакам. Дојдов во голем клуб, се надевам на поголема минутажа и дека ќе освоиме титули. Не беше пријатно кога зборував со Пеп. Сè што освои тој со Сити, освоив и јас. Се почитуваме, но јас морав да донесам ваква одлука“, кажа Вокер.